पुणे : ‘किर्लोस्कर वसुंधरा आंतरराष्ट्रीय चित्रपट महोत्सवा’अंतर्गत घेण्यात आलेल्या इको क्विझ आणि पथनाट्य स्पर्धेचे निकाल बालगंधर्व रंगमंदिरात झालेल्या सांगता समारंभात जाहीर करण्यात आले. इको क्विझ स्पर्धेत फर्ग्युसन महाविद्यालय, तर पथनाट्य स्पर्धेत एच. व्ही. देसाई महाविद्यालय विजेते ठरले. सांगता समारंभाचे अध्यक्ष आर. आर. देशपांडे यांच्या हस्ते त्यांना गौरविण्यात आले.
इको क्विझ स्पर्धेत सिम्बायोसिस सेंटर ऑफ मॅनेजमेंट स्टडीज आणि सावित्रीबाई फुले पुणे विद्यापीठ पर्यावरण विभागाला अनुक्रमे दुसरा आणि तिसरा क्रमांक मिळाला. डी. ई. एस. लॉ कॉलेजमध्ये पार पडलेल्या पथनाट्य स्पर्धेत दहा संघ सहभागी झाले होते. यात फर्ग्युसन महाविद्यालयाचा समाजशास्त्र विभाग आणि एस. पी. महाविद्यालय यांना अनुक्रमे दुसऱ्या आणि तिसऱ्या क्रमांकाने गौरविण्यात आले.
या कार्यक्रमात पुष्पक गोस्वामी आणि अनुज देवधर यांना छायाचित्र स्पर्धेतील ‘व्ह्यूअर्स चॉईस’ या गटात पारितोषिक मिळाल्याचे जाहीर करण्यात आले.
